யான் பாடல் விமர்சனம்

கோவை ஆவி 

ஜீவா, துளசி நாயர் நடிப்பில், ஹாரிஸ் ஜெயராஜின் இசையமைப்பில் சோனி மியுசிக் வெளியிட்டிருக்கும் "யான்" படப் பாடல்கள் சமீபத்தில் வெளியிடப்பட்டது. 

1. "நீ வந்து போனது" - கேகே, பாம்பே ஜெய்ஸ்ரீ மற்றும் NSK ரம்யா என்று பாடலுக்கு ஏற்ற குரல் தேர்வுடன் "ஓமகஸியா" டைப்பில் வரும் பாடல். தாமரையின் தித்திக்கும் தமிழ் வார்த்தைகளும் இடையிடையே 'ஹம்மிங்' செய்து போகும் மேகாவின் ஷார்ப்பான வாய்ஸும் பாடலுக்கு பலம் சேர்க்கிறது. பாடல் முழுவதும் வருகிற synthesizer பீட்ஸ் கொஞ்சம் சலிப்பை உருவாக்குகிறது.

2. "ஹே லம்பா லம்பா" - மறைந்த வாலிபக் கவிஞர் வாலி எழுதிய கடைசி பாடல். இந்த Calypso ரக பாடலை பாடியிருப்பது தேவன் ஏகாம்பரம் மற்றும் திவ்யா விஜய். தனக்கு பிடித்த பெண்ணை தங்கலீஷில் உருவகப்படுத்தி பாடும் பாடல். 

3. இசையுலகின் "ஸ்டார்" கானாபாலா பாடியிருக்கும் "ஆத்தங்கரை ஓரத்தில்" பாடல் ஒரு நல்ல முயற்சி. காதலில் பாதிக்கப்பட்ட ஒருவனின் புலம்பலை செம்ம ஜாலியாக "RAP" கலந்து சொல்லியிருப்பது புதுமை. " அந்த வெண்ணிலாக்குள்ளே ஆயா சுட்ட வடகறி நீதானோ"  என்று காதலியை வர்ணிக்கும் கபிலனின் வரிகளும், காதுக்குள் இங்கிட்டும் அங்கிட்டும் மாறி மாறி ஒலிக்கும் ஹாரிஸின் இசையும்  பாடலை ரசிக்க வைக்கிறது.

4.  "நெஞ்சே நெஞ்சே" - உன்னிகிருஷ்ணன் பாடியிருக்கும் இன்னிசை தாலாட்டு. காதல் தேசம் படத்தில் வரும் "தென்றலே" பாடலின் தாக்கம் ஆங்காங்கே தெரிந்த போதும் மனதிற்கு இதமாக இருக்கிறது.. சின்ன போர்ஷன் என்ற போதும் சின்மயியின் குரல் பாடலை முழுமையடையச் செய்கிறது. கண்களை மூடி ரசித்து கேட்க இதமான பாடல்.

5.  சின்மயி, அர்ஜுன் மேனன் பாடியிருக்கும் டூயட்  "லட்சம் கலோரி". இனி கொஞ்ச நாட்கள் பண்பலைகளில் முதலிடம் பிடிக்க உருவாக்கப்பட்ட பாடல். பா.விஜயின் வரிகளில் ஹாரிஸ்Vintage பாடல்.

மொத்தத்தில் யான் பாடல்கள் ஹாரிஸ் ஜெயராஜ் ரசிகர்களக்கு மட்டுமே பிடிக்கும். ரவி K சந்திரன் தன் visualization திறமையால் பாடல்களை மெருகெற்றிய பிறகு மற்றவர்களுக்கும் பிடிக்கலாம். 

Rating - 6/10